ILOILO CITY— Ginpaathag sang isa ka physical therapist kun ano ang dry needling kag ang benepisyo sini nga mahatag.
Sa programa nga Dr. Bombo, ginpaathag ni Michael Cayanan, isa ka physical therapist nga ang dry needling ang isa ka teknik ukon paagi agud bulngon ang dysfunction skeletal muscle kag mga connective tissue agud mas mapaayo ang makabig structural ukon functional nga damag.
Suno kay Cayanan ini ang epektibo man sa pagkuha sang mga muscular pain, makapadula sang pagpalanakit sang lawas.// Dapat mahibaluan man suno sa iya sang therapist ang anatomy sang lawas bangud kun indi mahimo nga malab-ot ukon maapektuhan ang internal organs sang isa ka tawo.
Ang dry needling ang epektibo man sa mga tawo nga may yara sang lower back pain, legpain, scoliosis.
Mahimo man makapaidalom sa dry needling ang isa ka tawo nga may yara sang stroke apang nagakadapat nga magpangayo gid sang advice nagikan sa mga doktor.
Mahimo man nga makapa dry needling tagsa ka adlaw apang nagakadapat nga sa nagkalain-lain spot ukon bahin sang lawas.
Gin-athag man sini nga indi reusable ang dagom nga ginagamit bangud sa tion nga nagamit na ini sang isa ka pasyente ila ni nga gina-dispose.
Pagkatapos sang dry needling session nagakadapat man suno kay Cayanan nga magpahuway kag likawan ang paghakwat sang mga mabug-at nga bagay agud gilayun nga mag-ayo ang mga sore muscles.
