Magahiwat sang hublag protesta ang Kabataan Panay sa siyudad sang Iloilo, bilang panawagan sang hustisya sa mga biktima sang Extra Judicial Killing (EJK) ni anay President Rodrigo Roa Duterte kadungan sang iya man confirmation of charges subong nga adlaw sa International Criminal Court.
Sa interview sang Bombo Radyo kay Arlie Bosque, Secretary General sang Kabataan Panay Party list, iya ginpahayag nga ang nasambit nga protesta sang amo nga grupo ang ila lihok agud isinggitan ang pagpanabat sa madugo nga hitabo sang administrasyon ni former PRRD nga nag-utas sang linibo ka mga kabuhi sang mga Pilipino.
Ginpatpat man ni Bosque ang ginapahayag kurapsyon sang opisina ni Vice President Sara Duterte sang ini ang nangin Secretary sang Department of Education (DepEd).
Magluwas sa amo nga protesta sa subong nga adlaw, magaupod man ang amo nga grupo sa palaabuton nga prayer rally sang simbahan agud magpanawagan sang accountability batok sa mga korap nga opisyal sang gobyerno sa Pebrero 25, bilang pagkomemorar sang EDSA Poeple Power Revolution.
 ni anay President Rodrigo Roa Duterte kadungan sang iya man confirmation of charges subong nga adlaw sa International Criminal Court.){kind=link}