Nagalaum ang Kabataan Partylist nga tsekyaron sang maayo sang Iloilo City Commission on Elections (COMELEC) ang mga campaign posters nga ila ginapangbaklas sa Iloilo City.
Sa interview sang Bombo Radyo kay Crimson Labinghisa, Kabataan Partylist – 9th Nominee, Koalisyong Makabayan Panay, iya ginpahayag nga madamo man sang mga kandidato kag Partido ang nakapaskil ang ila tarpaulin sa La Paz Plaza apang, daw kaangay nga ila lang ang ginakuha.
Ini bangud suno sa natungdan sa isa ka detail nga wala nakabutang ang ‘paid for by’ sa ila tarpaulin nga isa sa mga nakasaad sa patakaran sang COMELEC.
Suno kay Labinghisa, sugod sang Pebrero sa pagsugod sang campaign period sa bahin sang nasyonal, makaisa lang ka bes nga nagpakig-angot sa ila ang COMELEC kag wala na ini nasulit.
Gintuad sini nga kontani nagkoordinar sa ila ang COMELEC agud nga mapaathag kon may bayolasyon gidman sa ila mga campaign materials ilabi na nga limitado lamang ang mapaguwa nga tarpaulins sang ila nga partido.
