Naghatag sang nagkalain-lain nga mga reaksyon ang pila ka mga raleyista nga indi kuntento sa mga polisa nga ginapatuman sang Marcos Administration.
Ini kadungan sa ginpatigayon nga 2025 State of the Nation Address ni President Marcos kahapon adlaw sa Quezon City.
Sa interview sang Bombo Radyo kay Raoul Manuel, anay representante sang Kabataan Partylist, iya ginpahayag nga ang SONA ni Marcos Jr. wala nagapakita sang matuod-tuod nga sitwasyon sang Pilipinas.
Ginpunto niya ang problema sa edukasyon, kahimtangan sang mga mamumugon, mangunguma kag mangingisda, ang padayon nga pagsaka sang presyo sang mga balaklon kag ang wala pagpataas sang suweldo.
Dugang pa niya nga wala sang klaro nga solusyon ang Presidente sa mga seryoso nga problema sang pungsod.
