Sa tunga sang nagapadayon nga pandemya, masami nga nagakabalaka ang kadam-an kun paano mapabilin ang mataas ang immunity agud ma-angkon ang masanyog nga ikaayong-lawas.
Apang wala sang dapat kahangaw-an suno sa mga eksperto bangud nagabulig sa pagpalikaw sa nanuhay-tuhay nga balatian ang simple nga pagkaon sang citrus fruits kaangay sang Pomelo nga puno sang powerful immune-boosting antioxidant.
Suno kay SaVanna Shoemaker, registered dietician kag nutritionist sa Estados Unidos, ang prutas nga Pomelo ukon kabugaw ang manggaranon man sa vitamin C, potassium, protein kag fiber nga nagapalikaw sa cellular damage halin sa harmful compounds nga ginatawag nga free radicals.
Ang kabugaw ang puno man sang lycopene — isa ka anti-inflammatory anti-aging antioxidant nga nagapanami sang supat.
Ang duga naman sang panit kag dahon sang Pomelo ang natukiban nga makapatay sang cancer cells kag nagapalikaw sa paglapta sini sandig sa test-tube studies.
