ILOILO CITY – Pila pa lang ka mga barangay sa syudad sang Iloilo ang nakapasa sang accomplishment report may kaangtanan sa mga nagalapas sa minimum health protocol.
Ini ang kasunod sang pag-deputize sa mga barangay official agud makapangdakop sang mga violator.
Sa interview sang Bombo Radyo kay Fernando Jose “Boyet” Rico, Executive Assistant for Barangay Affairs, iya ginpahayag nga sa tagsa Huwebes ang gintalana nga adlaw sa pagpasa sang report.
Suno kay Rico, may mga Punong Barangay nga nakapasa na sang report apang may iban naman nga wala pa.
Mahimo suno kay Rico nga lakip sa mga rason kun nga-a may mga opisyal nga wala nagasunod sa kasugtanan amo nga may yara sang paboranay ukon pamulitika nga nagakatabo sa paghatag sang citation ticket.
Sa subong suno sa natungdan, ginahatagan niya sang “benefit of the doubt” ang mga opisyal nga wala pa nakapasa sang report.
