ILOILO CITY – Nagdangat na sa 90 porsyento sang mga portable toilets ang natigayon nga maplastar para sa nagahilapit nga highlight sang Dinagyang Festival 2023.
Sa interview sang Bombo Radyo kay Engr. Neil Ravena, head sang Iloilo City Environment and Natural Resources, iya ginpahayag nga 80 tanan ka mga portable toilets ang laptahon sa mga venues sang mga aktibidad.
Dugang pa niya, butangan nila dugang ang mga judging areas.
May yara sang isa ka personnel nagikan sa amo nga opisina nga magabantay sa tagsa ka toilet kag ang mga madakpan nga magpangihi sa likod sini ang isyuhan sang notice order bangud sa paglapas sang anti-littering ordinance.
Gin-athag man niya nga wala sang bayad ang paggamit sini magluwas lamang sa mga portable toilets nga gin set-up sang mga kabarangayan.
