𝗜𝗟𝗢𝗜𝗟𝗢 𝗖𝗜𝗧𝗬— Nagpanindugan naman si Kagawad Ruby Gallano sang Brgy. San Isidro, Jaro, Iloilo City nga ang tanan nga mga food commodities nga ginpanagtag ni Punong Barangay Ronela Juaniza ang wala nag-agi sa insakto nga proseso.
Sa interview sang Bombo Radyo kay Gallano, iya ginpahayag nga ang tanan nga ginpangbuhat ni Juaniza lakip ang procurement sang bugas ang wala ginapahibalo sa ila nga mga kagawad.
Suno kay Gallano, apisar nga permi sila naga-session, indi madirekta hambal sang punong barangay kon san-o maga-release sang pondo sa pagbakal sang mga goods.
Ginkwestyon man sini si Juaniza kon ngaa wala siya nagakoordinar sa ila nga mga kagawad.
Ginpanginwala naman sang natungdan ang pahayag sang kapitan nga may ginkuha siya nga bulong halin sa barangay.
