Patay ang isa ka barangay kagawad matapos gintiro sang apat ka wala pa makilal-an nga mga lalaki sa atubang sang barangay hall sa Barangay San Nicolas 3, Bacoor City, Cavite.
Ang biktima amo si alyas “Domingo”, 57-anyos, residente sang amo nga lugar.
Nakilal-an ang duha sa apat ka mga suspek nga sanday alyas “Rannie” kag “Raz” nga pareho man nga nagaistar sa lugar.
Base sa imbestigasyon, nakagwa lang sa barangay hall ang biktima matapos ang session sang gintiro ini.
Nadala pa ini sa ospital apang wala na matabangan.
Base sa kuha sang cctv, nagasakay sa isa ka kotse ang mga suspek nga padayon pa nga ginapangita.
