Naglab-ot sa masobra P800 million ang kahalitan nga dala sang southwest monsoon ukon habagat kag bag-o nga bagyo sa sektor sang agrikultura sa Pilipinas.
Suno sa National Disaster Risk Reduction and Management Council (NDRRMC), ang gintingob nga epekto sang habagat kag bagyo nga Ferdie, Gener, Helen kag Igme ang nakaapekto sa 11,170 ka mga mangunguma kag mangingisda sa bug-os nga pungsod.
Ang kahalitan nagasakop sang mga 11,000 ektarya sang humay, mais kag mataas nga balor nga mga pananom.
Samtang, ginpahayag sang NDRRMC nga nagsaka sa masobra P22 million ang kahalitan nga dala sang bag-o lang nga weather disturbances sa imprastraktura sang pungsod.
Sa pihak nga bahin, yara sa 1.4 million naman ka mga indibidwal ang apektado, nga may 25 nga ginreport nga napatay, 13 ang napilasan kag walo ang missing.
