Liwat nga nagbangon ang kahangawa kag mas ginhugtan ang screening measures sa Asya kasunod sang outbreak sang makamamatay nga Nipah virus sa West Bengal state sa India.
Sa Thailand, gin-umpisahan ang pag-screen sa tatlo ka mga paluparan kun sa diin may flights nga halin sa West Bengal.
Sa Nepal, may screening man sa nagaabot sa Kathmandu airport kag sa iban nga land border points sa India.
Duha na ang kumpirmado nga kaso sang amo nga balatian sa West Bengal halin sang Disyembre.
196 ka mga tawo ang na-trace nga na-close contact apang nag-negatibo sa virus.
Ini nga virus ang mahimo maglaton halin sa sapat kaangay sang baboy kag kulunaknit pakadto sa tawo.
Mahimo man ini magsaylo halin sa isa ka tawo pakadto sa isa pa ka tawo kun nakontamina pagkaon.
Mataas ang death range sini, halin sa 40% pasaka sa 75%, bangud wala pa sang bakuna ukon bulong.
Ginlista ini sang World Health Organization nga nalakip sa top ten priority diseases kaupod sa Covid-19 kag Zika bangud sang potensyal sini nga makatuga sang epidemic.
Lakip sang sintomas sini nga balatian amo ang hilanat, pagsakit sang ulo, muscle pain, kag pagsakit sang tutunlan nga mahimo sundan sang pagdula sang animo, pneumonia, kag mahimo man mag-resulta sa encephalitis para sa malala nga mga kaso.
