ILOILO CITY – Liwat nga magabalik si Kai Sotto sa National Basketball League (NBL) sa Australia sa team sang Adelaide 36ers.
Ang 7-foot Pinoy star ang nag-post sa iya Instagram sang iya nga picture nga nagasuksok sang iya 36ers jersey kag may caption nga magabalik ini.
Ini ang ginkumpirma man ni Adelaide coach CJ Bruton.
Si Sotto ang may duha pa ka tuig nga nabilin nga kontrata sa 36ers.
Magabalik siya sa team matapos nga wala nadala sa NBA draft.
Ang iya coach kag ang bilog nga 36ers ang bug-os nga nagasuporta sa handum ni Sotto nga makasulod sa NBA.
Si Sotto ang naghampang sang 23 games sa iya una nga NBL season kag naga-average sang 7.6 points, 4.5 rebounds kag 0.7 blocks per game.
