Nagpakita na sa publiko ang aktres nga si Karen Lopez matapos naglapta ang impormasyon sa publiko nga missing ini sang masobra na isa ka semana.
Ginpaagi ni Karen sa isa ka Facebook Live ang pagpahibalo sa iya pamilya nga buhi siya kag wala sang malain nga natabo sa iya.
Nagguwa si Karen sa social media matapos nga nagpaguwa na sang statement ang Quezon City Police District (QCPD) nga nagsiling nga wala pa sila sang nabaton nga formal missing-person report.
Nangayo sang pasaylo ang aktres kun napuhag man ang mga tawo sa iya pagkadula.
Pahayag sini, ginkinahanglan lang niya ang pahuway kag ang space, bangud sa mga bagay nga iya naagyan nga sunod sa iya, “mentally and emotionally draining.”
“Pasensya na talaga kung bigla akong nawala nitong mga nakaraang araw. Kailangan ko lang munang magpahinga at mag-focus sa sarili ko. Dumaan ako sa mga bagay na medyo mabigat mentally and emotionally, at napagtanto kong kailangan kong unahin ang well-being ko- even if that meant stepping back for a while,” pahayag sini.
“Alam kong may ilan sa inyo ang nag alala o nagtaka, at sobrang na-appreciate ko ang messages at support ninyo. Slowly, I’m getting better and trying to comeback stronger, one step at a time. Salamat sa mga nakaintindi, sa mga nag-reach out, at sa mga patuloy na nandyan. Slowly but surely, I’m getting back on track. Appreciate you all so much!”
Matandaan nga base sa nauna nagguwa nga report, Mayo 5 sang ulihi nakit-an si Karen matapos nga nagbiya siya kag ang iya boyfriend sa iya condominium unit.
Si Karen ukon Iris Abraham sa matuod nga pangalan ang naka-sign up sa idalom sang Viva Artists Agency nga amo ang nagadumala sang VMX (ukon kilala anay nga Vivamax).#
