ILOILO CITY – Ang kakulang sang equipment kag manpower sa Iloilo City Slaughterhouse ang rason nga manubo ang numero sang sapat nga gina-ihaw.
Sa interview sang Bombo Radyo kay Dolores Trabasas, in-charge sa nasambit nga ihawan, iya ginpahayag nga madugay na niya nga ginhingyo sa Iloilo City Government nga ilisan kag dugangan ang mga equipment sa slaughterhouse agud nga mas madamu ang maihaw nga sapat sa sulod sang isa ka adlaw.
Sa subong suno kay Trabasas, mano-mano ang pag-ihaw sang baboy kag iban pa nga sapat rason nga mahina man ang produksyon sang karne.
Isa man sa ginaduso sang natungdan amo nga dapat nga may yara sang task force nga magatutok sa pagtapna sang backyard slaughter.
