ILOILO CITY – Daku ang mabulig sa pagsolbar sa mga krimen sa syudad sang Iloilo kun may yara sang may magpangisog nga witness.
Ini ang pahayag ni Iloilo City Police Office Director Police Col. Martin Defensor Jr., kasunod sang twin shooting incident kun sa diin duha ang ginbawi-an sang kabuhi.
Sa interview sang Bombo Radyo kay Defensor, iya ginpahayag nga lakip sa mga rason kun nga-a nagakadugayan ang pagsolbar sang krimen amo ang kakulang sang witness sa korte kag ang kakulang sa footage sang Closed Circuit Television camera.
Suno kay Defensor, ang mga suspek ang lunsay may tabon sa nawong magluwas lang sa natabo sa distrito sang Molo sa diin nakita sa CCTV footage ang nawong sang gunman.
Ginpahayag ni Defensor nga magluwas sa kakulang sang witness kag CCTV footage, kun tani, nagabulig man ang pamilya sang mga biktima sa imbestigasyon.
Sa pihak sang pagpanghangkat, ginpahayag sang natungdan nga magapadayon sa gihapon ang imbestigasyon sang otroridad agud nga masolbar ang mga krimen.
