ILOILO CITY- Ginakabig sang Presidential Commission for the Urban Poor nga mabudlay sa gihapon nga malab-ot sang madamo nga mga Filipino ang affordable housing.
Suno kay Presidential Commission for the Urban Poor Officer-in-charge Elizabeth Avila, kalabanan nga Filipinos nga wala nagapanag-iya sang balay ang nagakabalaka sa ila finances kag ang pag-angkon sang stable source sang income.
Pahayag niya, madamo nga pamilya ang naga-focus sa ila pang-adlaw-adlaw nga kinahanglanon kag indi na makasupot pa sang kwarta agud makabakal sang balay.
Magluwas sa sini nga rason, isa man sa ginalantaw nga problema amo ang mindset sang tawo sa pag-angkon sang kaugalingon nga balay.
Nahibaluan nga base sa data, ang Pilipinas may yara sang housing backlog nga 6.5 million units.
Yara naman sa 40 percent sang Filipinos nga wala naka-acquire sang balay amo ang formal workers kag ang 40 percent ang informal workers.
