ILOILO CITY – Kalabanan sa mga konsehal nga nag-boycott sa sesyon sang Sanguniang Panlunsod sang Abril 23, 2019 ang nakapasa sang leave.
Sa nasambit nga sesyon, isa sa mga agenda amo ang pagdeklarar sang State of Calamity sa syudad sang Iloilo bangud sa kakulang sang tubig.
Santo sa record sang Sanguniang Panlunsod Secretariat, kalabanan sa mga elected official sa syudad ang naka-vacation leave, sick leave, special leave, authorized kag unauthorized leave.
Sanday Iloilo City Councilors Love-Love Baronda kag Mandrei Malabor ang naka-vacation leave.
Sanday Iloilo City Councilor Ely Estante, the late Iloilo City Councilor Armand Parcon kag Sanguniang Kabataan (SK) Federation President Leila Luntao ang naka-sick leave.
Naka-special leave naman si Vice Mayor Jeffrey Ganzon samtang naka-unauthorized leave ukon abnsent sanday Iloilo City Councilor Jay Treñas kag Liga ng mga Brangay President Irene Ong.
Present naman sanday Iloilo City Councilors Lyndon Acap, Eduardo Peñaredondo, Candice Tupas, anay Iloilo City Councilors R Leone Gerochi, Plaridel Nava, Joshua Alim kag Liezel Joy Zulueta-Salazar.
May kaangtanan naman sa pahayag ni Alim nga kun tani, magaserbe nga giya sa mga bag-o nga elected official sa syudad ang ginpasaka nga reklamo sa Office of the President batok sa mga nag-absent nga mga opisyal.
Nagpaiway nga maghatag sang recorded interview sanday Iloilo City Councilors Allan Zaldivar kag Jojo Javellana apang suno sa ila, bilang bag-uhanon sa patag sang pulitika, ila sundon kun ano ang nasaad sa layi.
Magluwas diri, ginpahayag man nanday Zaldivar kag Javellana nga bilang elected official, katungdanan nila nga magtambong sa sesyon kag pamati-an ang mga agenda nga dapat ipasar para sa kaayuhan sang syudad sang Iloilo.
Nagpahayag man ang mga natungdan sang ila pagtahod sa pahayag ni Alim.
