Kalag sang mga suldado nga Hapon nga ginlubong sa ginatindugan sang isa ka buluthuan sa Iloilo City, nagapabatyag?

ILOILO CITY – Nagapabatyag ang ginapatihan kalag sang mga suldado nga Hapon nga nakalubong sa ginapahamtangan sang La Paz 1 Elementary School.
Ginpahayag sa Bombo Radyo sang isa ka manunudlo sa buluthuan nga luyag lang ihinago ang pangalan, madamo sila sang indi kinaandan nga eksperyensiya sa nasambit nga buluthuan.
Sa likod sang buluthuan, mabatyagan nila nga may nagatulok sa ila apang wala naman sang tawo.
Suno pa sa manunudlo, may gahod man sila sang kabataan nga mabatian nga daw kaangay nagahampang ang mga ini, apang kun ila usisaon wala naman sang tawo.
Dugang pa sang manunudlo, ginsugid man sa ila sang pila ka mga estudyante nga may nakita ang mga ini nga suldado nga nagamartsa kag sang ila ginlaragway ang ginasuksok sang mga suldado, nagasantu ang uniporme sang mga ini sa Japanese soldiers.
Ginpahayag pa sang manunudlo nga ang duta nga ginatindugan sang buluthuan ang anay garrison sang Hapon kay may pantyon pa sang napatay nga suldado nga Hapon.