ILOILO CITY – Ginpahayag sang Philippine Space Agency nga ang kalaparon sang halit nagikan sa naglugdang nga Motor Tanker Princess Empress ang daw kaangay sa kadakuon sang Quezon City kun basehan ang satellite image.
Base sa March 3- March 8 nga monitoring, ang area sang oil spill ang yara lamang sa 1-13 square kilometers.
Apang, base sa nakuha nga satellite image sang Marso 23, ang area nga apektado sang oil spill ang nagdangat na sa 112 square kilometers.
Nahibaluan nga pila ka adlaw matapos naglugdang ang MT Princess Empress sang Pebrero 28, ang langis nagikan sa barko ang nagpadulong sa direction sang coastal towns sang Pola apang sang Marso 13, nagbag-o ang direction nagikan sa Northwest padulong sa Southwest.
Sang Lunes, may nasiplatan nga langis malapit sa Verde Island.
