Gin-anunsyo sang Chinese embassy sang Pilipinas nga ginadumilian nga makasulod sa China, Hong Kong, kag Macao ang mga opisyal halin sa munisipalidad sang Kalayaan sa Palawan.
Ginlista sang embahada ang 16 ka mga pangalan sang mga local officials nga suno sa ila indi “welcome” nga magsulod sa nasambit nga mga teritoryo.
Ini amo ang mga masunod:
- Beltzasar S. Alindogan
- Maurice Phillip Alexis S. Albayda
- Nonelon B. Balbontin
- Nonie C. Gapuz
- Roberto M. Asiado
- Hubert B. Llavan
- Francis P. Polizon
- Marilou S. Vales
- Monico A. Abogado
- Eugenio B. Bito-onon
- Hermoso A. Ornopia
- Tracylie Shierjun R. Malabayabas
- Arzel E. Belidan
- Vicencio R. Milan
- Allan D. Dellosa
- Mary Cristina J. Lagrosa
Ginhimo ini sang China matapos gindeklarar sang Kalayaan nga persona non grata ang Chinese ambassador to the Philippines nga si Jing Quan bangud sa paglapas sang diplomatic protocol kag pagpanghilabot sa internal affairs sa Pilipinas.
Gin-aprubahan ang resolusyon sang Enero 27, apang antes sini, may kaangay man nga resolusyon sang Agusto 2023 nga nagdeklarar nga persona non grata sa Kalayaan si anay Chinese ambassador to the Philippines Huang Xilian. Ginpaguwa ang deklarasyon sang amo nga tion bangud ginbombahan sang China Coast Guard sang water cannon ang mga barko sang Philippine Coast Guard sa Ayungin ukon Second Thomas Shoal.
Ang Kalayaan amo ang isahanon nga munisipalidad sang Pilipinas nga yara sa West Philippine Sea.
