ILOILO CITY – Naga-gamay na lang ang kalibutan sang top drug lord sa Western Visayas nga si Richard Prevendido, suno sa Philippine Drug Enforcement Agency (PDEA).
Sa interview sang Bombo Radyo Iloilo, ginpahayag ni David Garcia, spokesman sang Philippine Drug Enforcement Agency (PDEA) Region 6, bangud sa ginpabaskog nga kampanya batok sa iligal nga droga, labi nga naga-gamay ang ginahulagan sang lider sang Prevendido Drug Group.
Apang mabudlay nga dakpon si Prevendido suno kay Garcia bangud nga nagasaylo-saylo ini sang lugar.
Pero madamo gihapon sang tinawo si Prevendido nga nagapadalagan sang illegal drug trade.
Indi naman makumpirma sang PDEA kun nagapabilin pa sa Western Visayas si Prevendido.