Ginakabig sang Kamara nga daku nga kadulaan sa chamber ang kamatayon ni Antipolo City Rep. Romeo Acop.
Isa siya ka tampad, maisog, kag malig-on nga myembro sang Kamara suno kay peaker Faustino “Bojie” Dy III.
Suno pa sa House Speaker, isa ka ehemplo si Acop sang tawo nga ginakabuhi ang integridad sa serbisyo publiko.
Nagpadala man sang ila simpatiya sa pamilya ni Acop ang iban pa nga kongresista kaangay kanday former House Speaker Ferdinand Martin Romualdez, Lanao del Sur 1st District Rep. Zia Alonto Adiong, Bicol Saro party-list Rep. Terry Ridon, kag Manila 3rd District Rep. Joel Chua.
Una na ginpahayag nga napatay si Acop sang Sabado sang gab-i bangud sa heart attack.
Si Acop nga anay hepe sang CIDG ang kilala sa Kamara sa iya nga tactical examination sa resource persons sa legislative inquiries.
Nakilala siya sa Kamara bangud sa iya hugot kag taktikal nga pagpangusisa sa mga resource person lakip na sa mga isyu nahanungod sa transportasyon, public safety, iligal nga droga kag mga issue sa korapsyon.
Isa man ini sa mga nanguna sa pagpangusisa sa isyu sang confidential fund sang opisina ni Vice President Sara Duterte kag ang ginahingadlan nga peke nga mga pirma sa mga acknowledgment receipts sang nasambit nga opisina lakip na ang popular nga si ‘Mary Grace Piattos’.
Sa 19th Congress, siya ang vice chairperson sang quad comm nga amo ang mega-panel nga nag-imbestigar sa Philippine offshore gaming operators, Chinese syndicates, illegal drug trade, kag extrajudicial killings.
Words by: Bombo Jissa Padios
