All systems go na ang Kamara para sa canvassing sang boto para sa presidente kag bise-presidente sa May 9 elections.
Nagsapol ang mga kongresista para sa briefing sang secretary general sa procedures kag scenarios sa canvassing nga magaumpisa sa Mayo 24.
Suno kay House Speaker Lord Allan Velasco, tuyo sang mga mamalidha nga amo ang magapungko nga canvassers nga mapasigurado nga ‘seamless’ ang canvassing of votes cast kag proclamation sang duha ka pinakamataas nga opisyal sang pungsod.
Ginpasigurado man sini nga masunod gid ang integridad sang electoral process.
Sa idalom sang Konstitusyon, mandato sang Kamara kag Senado nga mag-convene sa isa ka joint session agud magporma sang National Board of Canvassers (NBOC) nga amo ang magaisip sang votes kag mag-proclaim sang winners sa 2022 presidential kag vice presidential polls.
Sanday Velasco kag Senate President Vicente Sotto III ang maga-preside sa joint session kun patigayunon na ang canvassing.
