Matapos ang pagratipika sang National budget for 2026 kahapon nga adlaw, may pila ka mga kongresista nga gin-kwestyon ang national budget.
Suno kay Batangas Rep. Leandro Leviste ang pagtaas sang budget sang Kamara wala gindebatihan sang maayo.
Suno pa sa iya nga dapat ipaidalom sa budget debate ang pondo para mangin maathag ini sa publiko.
Balikan ta ang pag-ratify sa Kamara.
Pamatian naton si Senior Deputy Majority Leader kag Iloilo 3rd District Rep. Lorenz Defensor kag si Deputy Speaker Kristine Singson-Meehan.
Gilayon man nga ginsuspide ang sesyon sang lower chamber.
Magabalik ang regular session sa January 26, 2026.
Samtang, dismayado naman si ML Partylist Rep. Leila De Lima sa madasig nga pag-ratipika sang Kamara sa Bicam report para sa 2026 General Appropriations Bill (GAB).
Suno pa kay Rep. De Lima nga ”no” man sini ang iya nga boto paagi sang Viva Voce nga botohan.
Sa bahin naman ni House Appropriations Chairman Rep. Mikaela Suansing nagpanindugan ini nga wala sang pork barrel sa 2026 national budget.
Suno pa sa iya nga ginbutangan ini sang safeguard nga wala ginapahanugutan ang political involvement sa pag-distribute sang budget.
