Magahatag ang Kamara sang P3-million kay Carlos Yulo matapos ini nagdaog sang gold medal sa floor exercise sa gymnastics nga amo ang una nga medalya sang Pilipinas sa Paris Olympics 2024.
Suno kay House Committee on Appropriations Chairman Representative Elizaldy Co, ini nga award amo ang salamin sang suporta sa kadalag-an sang Pinoy kag kabahin man sang commitment sang lower chamber nga pasangkaron pa gid ang abilidad sang mga atleta nga Pilipino sa international sports scene.
Mangin si President Ferdinand Marcos, Jr. ang nagpalab-ot man sang mensahe sang pagpanginbulahan para sa 24-anyos nga gymnast.
Wala pa sang pinal nga lista kun ano ang mga premyo nga batunon ni Yulo apang yari ang incentives nga na-anunsyo na nga daan para sa mga Pinoy nga makabulsa sang sini nga kadalag-an.
- P10 million – Sa idalom sang Republic Act 10699 ukon National Athletes and Coaches Benefits and Incentives Act, ang Olympic gold medalists ang makabaton sang sini nga kantidad halin sa Philippine Sports Commission
- Nagpromisa man ang Megaworld sang fully furnished two-bedroom unit sa McKinley Hill nga nagabalor sang P24 million
- Lifetime free buffet halin sa Vikings
Posible pa ini madugangan kaangay sa nabaton sang weightlifting star nga si Hidilyn Diaz nga may total cash incentive nga masobra P50 million magluwas pa sa house and lots, condominiums, kag lifetime free flights kasunod sang iya pagdaog sang gold medal sa Tokyo Olympics 2020.
