Nagdepensa si Senate President Pro Tempore Jinggoy Estrada nga wala sang kahilabtanan ang Malacañang kag ang Kamara sa pag-ilis sang liderato sa Senado.
Ini kasunod sang madasig nga development kun sa diin nagpanaog ni Senate President Juan Miguel Zubiri sa pwesto kag ang nagbulos amo si Senate President Francis ‘Chiz’ Escudero.
Ginpahayag man ni Estrada nga indi siya ang nagplano para pahalinon si Zubiri kag wala man sang kahilabtanan diri si President Ferdinand Marcos, Jr. kag si House Speaker Martin Romualdez.
“I need not tell the whole story because it’s already under the bridge. Water under the bridge ‘di ba?” suno kay Estrada.
“Ang lumalabas kasi na bali-balita sa labas na ako raw ang nag-instigate ako raw ang nag-initiate nitong kudeta laban kay Senator Migz. ‘Di po totoo ‘yan, I am denying it outright I [had] no hand, I never initiated or instigated the ouster of Senate President Zubiri,” pahayag pa sini.
Mabudlay man suno sa iya ang iya desisyon nga magpirma para nga pahalinon ang anay senate president. “When I made my decision I felt so heavy not literally syempre mabigat din sa aking pakiramdam na tanggalin ang isang kaibigan.”
Ginpasalig man sini nga sa idalom sang bag-o nga liderato, magapabilin nga independent ang Senado kag ginalauman nga mas mangin mayo ang relasyon sa Kamara.
BAG-O NGA SENATE PRESIDENT
Gin-ako naman ni newly-elected Senate President Escudero nga siya ang nagpasimuno sang pirmahanay nga pahalinon si Zubiri. Ginpahayag nga nagsugod ang iya tikang sang Huwebes, Mayo 16, baliskad sa una nga impormasyon ni Zubiri nga may impormasyon na siya kaangot sa ouster plot halin sang Myerkules, Mayo 15.
Nagpamalibad si Escudero nga hingadlan ang mga rason kun nga ginpahalin si Zubiri apang iya ginkumpirma nga Domingo, Mayo 19, kumpleto na sang ila grupo ang numero agud nga maislan ang anay senate president.
“Ang pagpapalit ng Senate President is always arrived at through a gentlemanly conduct. I think 9 out of 10 except nung mga unang panahon, ang Senate President di tinatanggal–nagbibitiw, so di na kailangan declaring vacant,” pahayag pa sini.
Ginkumpirma man ni Escudero nga 15 ka mga senador ang nagpirma ang individual resolutions of support para sa iya nga Senate presidency apang nagpamalibad na ini nga maghatag sang kopya sa media.
