ILOILO CITY–Nagapati ang kadam-an sa mga myembro sang Kamara nga mapaboran sang Malacañang ang pagdula sa road board.
Sa interview sang Bombo Radyo kay Iloilo Lone District Congressman Jerry Treñas, iya ginpahayag nga kadam-an sa mga myembro sang Kamara nga kaalyado sang administrasyon ang pabor sa pagdula sang kontrobersyal nga Road Board nga gina-angot sa kurapsyon.
Nahibaluan nga ang Road Board ang nagadumala sa paggamit sang road users’ tax ukon road fund nga dapat gamiton lamang sa maintenance kag pagkaayo sang mga karsada, drainage, pagbutang sang traffic light kag madamo pa sang iban sa diin ang Iloilo ang isa sa mga lugar nga nakapulos sini.