ILOILO CITY – Nagdesignar na sang caretaker ang Kamara para sa siyudad sang Iloilo, matapos ginpatuman na ang suspension ni Iloilo City Rep. Jerry Treñas.
Sa interview sang Bombo Radyo Iloilo, ginpahayag ni Treñas nga gindesignar ni House Speaker Pantaleon Alvarez si Iloilo Third District Rep. Arthur Defensor Jr. nga amo anay ang mangin caretaker para sa siyudad sang Iloilo.
Magatapos sa Abril 5 subong nga tuig ang tatlo ka bulan nga suspension ni Treñas.
Ginsuspinde sang Ombudsman ang mamalidha bangud sang ginapangatubang nga kaso kaangot sa ginapahayag maanomaliya nga pagpaguwa sang pondo para sa building sang Iloilo Press Club sang alkalde pa lang ini sang siyudad.
Ginpahayag naman sa Bombo Radyo ni Iloilo Governor Arthur Defensor Sr. nga kaina sang aga lang nabaton sang iya anak nga si Rep. Defensor ang appointment sang House Speaker nga magserbe anay nga caretaker representative sa Iloilo City.