Positibo nga ginapanan-aw ni House Speaker Martin Romualdez nga sarang mabaligya ang P30/kilo nga bugas sa pili nga mga lugar sa pungsod sa maabot nga bulan sang Hulyo.
Ginpahayag ini ni Romualdez kasunod sang meeting kay Department of Agriculture (DA) Secretary Francisco Tiu Laurel Jr. sa House of Representatives, Mayo 6.
Ini nga pagsinapol ang kasunod man sang pahayag ni President Ferdinand Marcos Jr. nga gusto sini padasigon ang amendment sa Rice Tariffication Law (RTL) ukon ang Republic Act (RA) No.11203.
Suno sa house speaker, gina-identify na sang DA ang areas kun sa diin pwede mahatag sa publiko ang barato apang well-milled nga bugas.
“Although we cannot yet achieve this throughout the entire country, we can start in selected areas identified by the Department of Agriculture. We hope that this initiative will soon reach all parts of the country, especially after the amendment of the Rice Tariffication Law,” pahayag sini.
Mahimo ini suno sa iya mabaligya sa manubo nga presyo paagi sa National Food Authority (NFA) nga ipaagi man sa Kadiwa centers.
“Kasama din natin ang [National Irrigation Administration] Administrator [Eduardo] Guillen, with full support sa irrigation program, we will work together hand-in-hand para mapaaga ang goal natin na ibababa natin ang presyo ng bigas at ibang mga commodities po,” dugang ni Romualdez.
Sandig sa latest monitoring report sang DA, ang pinakabarato nga bugas sa merkado as of April 27 amo ang local commercial rice nga yara sa P49.44 per kilo nga P19 nga mas mahal ipaanggid sa target sang Kamara.
Una na nga ginpahayag sang mga lideres sa lower chamber sang Kongreso nga target nila nga mapasar ang amendments sa RTL sa sulod sang tatlo ka semana. Ini nga layi amo ang naga-restrict sa NFA nga direkta nga magbaligya sang bugas sa public markets kag gin-limitahan lamang ang function sini sa pagpasigurado sang buffer stocks nga amo ang gamiton sa tion sang kalamidad.#
