ILOILO CITY – Ginalauman sang kapulisan sa Western Visayas nga mabag-o ang imahe sang Police Regional Office 6 (PRO6) ilabi na sa panan-awan ni Presidente Rodrigo Duterte, ang kamatayon sang top drug lord sa rehiyon nga si Richard Prevendido.
Ginpahayag ni PRO-6 director Chief Supt. Cesar Hawthorne Binag nga apisar indi nila gusto nga may mapatay, dako ang impact sang kamatayon ni Prevendido ilabi na nga isa ini ka national level target.
Kuntani suno kay Binag, makabulig ini para sa positibo nga imahe sang Iloilo kag sang Western Visayas kag mensahe man ini suno kay Binag nga wala sang lugar ang kaangay nga mga kriminal.
Ginalauman man sang kapulisan nga bangud sini, maganubo ang kriminalidad sa rehiyon, apang indi ini rason para mag-relax ang otoridad, sa baylo mas pasangkaron pa suno kay Binag ang operasyon bangud sigurado nga may mga bag-o nga personalidad nga magabulos.
Si Prevendido ang gindeklarar nga top drug lord sa rehiyon matapos nga napatay ang drug lord nga si Melvin Odicta Sr.
Santu sa ginauyatan nga profile sang kapulisan, may isa pa ka sub-group si Prevendido, ang Bolivar Drug Syndicate Group nga ginapamunuan ni Ernesto Bolivar.
Sa narco-list ni Presidente Rodrigo Duterte, ginakabig si Prevendido nga High Value Target Level 3.