Ginpalayas ni Sorsogon Governor Edwin “Boboy” Hamor ang OPM band nga Kamikazee kag ginkakas na sa lineup sa festival sang probinsya bangud sa ginpahayag “attitude problem” sang banda.
Sa iya speech sa atubang sang Sorsoganons, ginpahayag pa mismo sang gobernador nga indi na niya pagpabalikon sa Sorsogon ang amo nga banda.
“Inuulit ko, bayad yun. Kasi bago mag-perform sila dapat bayad. Pero pinauwi ko na, hindi ko na patitirahin yun sa Residencia. Pinauwi ko na sa airport, dun sila mag-umaga. Okay?
“Inuulit ko, hindi tayo puwedeng bastusin ang mga taga-Sorsogon. Pinipilit ko na itaas ang dignidad ng bawat Sorsoganon, pero huwag ganun. Huwag ganun na tayo’y bastusin. Okay?,” kabahin sang pahayag sang gobernador.
Photo Courtesy: Kamikazee/Facebook
Pahayag pa sini, magabawi siya kag imbitaron sanday Vice Ganda kag Sarah Geronimo sa selebrasyon.
Wala sang ginmensyonar ang gobernador kun ano gid ang problema sa Kamikazee apang sang ulihi nadiskubrehan nga nagpangindi ang banda nga magpa-picture sa attraction nga gintawag nga “16,000 Blue Roses” nga human sa LED flowers.
Ginpahayag sang Provincial Government of Sorsogon nga una nagsugot ang banda sa amo nga photoshoot apang nag-atras na sa ila nga scheduled date.
Sikat nga Filipino band ang Kamikazee nga nag-debut sa music industry paagi sa pag-release sang ila hit single nga “Narda” sang 2006. Sila man ang nag-release sang Halik, Huling Sayaw, kag Unang Tikim.#
