MANILA – Mas ginpasangkad pa sang Bureau of Customs ang kampanya agud nga matapna ang rice smuggling paagi sa pagpatigayon sang raid sa mga warehouse nga ginadudahan ginatagu-an sang illegally imported grain.
Suno kay Bureau of Customs Commissioner Rey Leonardo Guerrero, ang rice stocks nga gin-import sang private traders ang natalana nga ipaidalom sa “post-modification and post audit” agud mapasigurado nga ma-assess sang husto ang undervalued shipments.
Ang nasambit nga lihok suno kay Guerrero ang kasunod sang pagkwestyon sang Federation of Free Farmers tuhoy sa assessment and valuation system sa rice imports.
Bangud nga ginakabig nga “critical” commodity ang bugas, ang traders ang mahimo nga maka-avail sang Provisional Goods Declaration sa pagproseso sang shipments.
May kaangtanan diri, may yara na sang gin-deploy nga inspectors sa warehouses nga ginadudahan nga ginatagu-an sang smuggled rice stocks.
