Nagpatigayon sang pagsinapol ang kampo ni former Negros Oriental Representative Arnolfo Arnie Teves Jr. kasunod sang pagka-aresto sini halin sa Timor Leste.
Sa interview sang Bombo Radyo kay Atty. Kaiser Cordero, Co-counsel ni Teves, iya ginpahayag nga ang kampo ang nagakwestyon sa nangin proseso sang gobyerno batok sa anay mamalidha.
Suno kay Cordero, iligal ang deportasyon kag pag-aresto nga gindagdag sang Timor-Leste kay Teves rason nga ginakwestyon sang kampo ang ‘legality’ sang amo nga tikang ilabi na sa hurisdisksyon sang Pilipinas.
Dugang sini nga ginakabig sang Timor-Leste nga ‘threat’ si former Congressman Teves sa ila nga national security bangud isa ini ka ‘fugitive’ ukon tawo nga nakapalagyo sa isa ka duog ukon nagapanago.
Nahibaluan nga antes ang pagkaaresto ni Teves, wala gin-grant sang Timor-Leste ang iya nga application sang asylum.
Gintun-an naman subong sang kampo sang natungdan ang mga remedies nga mahimo agud nga mapatuman ang legal strategies.
Si Teves amo ang ginatudlo utok sa pagpatay kay anay Negros Oriental Gov. Roel Degamo sang Marso 4, 2023 sa iya mismo nga puluy-an sa Pamplona, Negros Oriental.
Sa amo nga massacre nga ginhimo mismo sa tungang-adlaw, patay man ang siyam ka iban pa nga mga tawo nga natabuan nga didto sa area.
