ILOILO CITY–Indi pag-isulan sang kampo nanday Guimaras Governor Samuel Gumarin ang mga isyu nga ginahaboy sa ila sang ila mga kontra sa pulitika.
Sa interview sang Bombo Radyo kay Guimaras Vice Governor Eduard Gando, ginpahayag sini nga pulitika ang ila ginatan-aw nga rason sang nagwa nga plunder complaint nga ginfile sang isa ka ginhingadlan kay Rodrigo Gabales.
Sunu kay Gando nga isa lamang ka cheap political strategy ang nasambit nga kaso tungud nagahilapit na ang 2019 midterm elections.
Sa ila nga paghangop sunu kay Gando, kaanggid ini sang mga pamaagi sang ila kontra nga si Atty. Vicente De Asis.
Ginpahayag man sang bise gobernandor nga indi nila pag-isulan ang nasambit nga akusasyon sabaylo gina abi-abi nila ang anu man nga imbestigasyon.
Ginahikot naman sang ila kampo ang isabat sa nasambit nga akusasyon kag agud madepensahan man ang ila kaugalingon.