JANIUAY ILOILO- Ginahulat pa sang kampo ni outgoing Janiuay Iloilo Vice Mayor Jojo Lotero kun ano ang posible nga matabo sa Hulyo 1 kag kun sin-o ang magapungko bilang alkalde sang nasambit nga banwa.
Ini matapos gindakop sang National Bureau of Investigation (NBI) si Mayor-elect Frankie Locsin bangud sa kaso nga paglapas sa Section 3 sang RA 3019 ukon ang Anti-Graft and Corrupt Practices Act.
Sa interview sang Bombo Radyo kay Atty. Bert Cataluña, isa sa mga abogado ni Lotero, iya ginpahayag nga ila ginahulat kun ano ang mangin desisyon sang Commission on Elections (Comelec).
Pahayag pa ni Atty.Cataluña nakadepende sa Comelec kun ila igaproklamar si Lotero nga magapungko bilang alkalde bangud siya ang ikaduha sa nakakuha sang pinakamataas nga boto santo sa nangin resulta sang may 13 midterm elections.
Suno pa sa iya kun nagwa ang conviction antes ang piniliay ang kandidato nga may yara sang 2nd highest nga boto ang magapungko apang kun naggwa ang conviction pagkatapos sang piniliay ang Vice Mayor elect sang Janiuay nga si Ben Margarico ang magapungko sa pwesto.
Gin-athag man sang abogado nga sa subong wala pa sila nakahinun-anon ni Vice Mayor Lotero sa kun ano ang ila mangin lihok angot sa pagkadakop sang NBI kag Locsin santo man sa nangin pamatbat sang Sandiganbayan.
