Ginsulit sang kampo ni Pastor Apollo Quiboloy ang kondisyon sini nga dapat magpaguwa si President Ferdinand “Bongbong” Marcos Jr. sang written declaration nga indi pag-itugyan ang pastor sa kamot sang Estados Unidos sang Amerika.
Sa amo nga pungsod, sampaw-sampaw man nga kaso ang gina-atubang sang self-proclaimed Appointed Son of God lakip ang sex trafficking of children; marriage fraud; fraud and misuse of visas; bulk cash smuggling; promotional money laundering; concealment money laundering; kag international promotional money laundering.
Suno kay Atty. Israelito Torreon, abogado kag spokesperson sang religious group nga Kingdom of Jesus Christ (KOJC), mahimo nga mag-untat si Quiboloy sa pag-avail sang legal remedies sa warrants of arrest nga gin-isyu batok sa iya kun magpaguwa si Marcos sang written commitment.
Kun matandaan, sang Abril pa nag-anunsyo si Quiboloy nga magapakita siya basta may isulat nga garantiya si Marcos nga indi magpahilabot ang Estados Unidos.
“Ultimately, the final decision rests with Pastor Apollo Quiboloy. Maybe that will end if President Marcos will really issue a written declaration that he will not be extraordinarily rendered to the United States of America,” suno kay Torreon.
“He has always been consistent in that regard,” pahayag pa sang abogado.
Pero ngaa importante gid ang amo nga kondisyon?
“Simply because of the fact that he wants to clear his name here, because the case really is weak and know that this was dismissed already in the past by the city prosecution office,” sabat sang legal counsel.
Ini na ang ika-walo nga adlaw halin sang ginsulod sang linibo ka kapulisan ang compound sang KOJC sa Davao City agud nga maaresto si Quiboloy kag mga kaupod niya nga akusado apang tubtub subong wala ini nakit-an.
Ginpahayag sang PNP nga yara sa 40-50% sang compound ang nalikop sang ila nga search operations.#
