Nagapati ang kampo ni Iloilo City Lone District Representative Julienne “Jam-jam” Baronda nga ang mamalidha ang nagbukas sang pwertahan agud nga maimbentaran si Former Iloilo City Mayor Jed Patrick Mabilog sa quad committee hearing.
Sa interview sang Bombo Radyo kay Pastor Stanley Clyde Flores, Spokesperson ni Representative Baronda, iya ginpasalamatan ang house quad committee sang Kamara bangud ini ang mangin palaagyan agud maklaro ang pangalan ni Mabilog kag ang bansag sang syudad sang Iloilo nga “Most Shabulized City.”
Suno kay Flores, nagapangamuyo siya nga mahatagan sang kahigayunan si Mabilog sa hearing agud nga maka-eksplekar sang iya nga kaugalingon.
Ginpasalamatan man sini ang kaisog sang anay alkalde agud atubangon ang mga pato-pato nga ginpanghaboy sa iya sang tyempo sang administrasyon ni Former President Rodrigo Duterte.
Gin-athag man sang natungdan nga ang gin-ubra ni Representative Baronda nga pagklaro sang pangalan sang Iloilo City ang posible nga nabatian ni Mabilog samtang ini ang yara sa Estados Unidos.
Ginklaro man ni Flores nga ginarespeto nila ang pahayag ni Mabilog nga klarohon sini anay ang iya pangalan bangud may insakto nga tyempo agud nga magbalik ini sa politika.
