Ginkumpirma sang Commission on Elections- Iloilo City nga nakasugod na sa pagproseso sa filing sang certificate of candidacy ang kampo ni Iloilo City Lone District Representative Julienne Baronda.
Sa interview sang Bombo Radyo kay Mr. Jonathan Sayno, Election Assistant II sang opisina, iya ginpahayag nga sa iya pagpakig-angot kay Baronda, ginsiling sang kongresista nga posible sa Oktubre 7 ukon 8 ini maga-file sang certificate of candidacy.
Nagapanugyan naman si Sayno sa tanan nga mga partido nga magpaidalom gid sa pre-checking sa mga dokumento kag requirements sa pag-file.
Pahayag sang natungdan, ini agud malikawan ang mga errors kag mangin tayuyon ang proseso sang filing.
