Nagpangayo sang dugang nga oras ukon panahon ang abogado ni Senator Chiz Escudero para magsumiter sang affidavit sa Commission on Election.
Ini may kaangtanan sa imbestigasyon sang COMELEC tuhoy sa P30 million nga donasyon kay Escudero halin sa contractor nga may kahilabtanan man sa flood control projects.
Ginpahayag ni COMELC chairman George Garcia nga nagpangayo sang tubtob Myerkules, Oktubre 15 ang abogado sini nga maghatag sang mga papeles.
Una na nga ginbuyagyag sang COMELEC nga nakabaton si Escudero sang campaign donation sang 2022 election halin kay Lawrence Lubiano ang president sang Centerways Construction and Development Inc.
