Kinahanglan nga mag-ugyon ang oposisyon kag isa lang ang nagakadapat nga mangin kandidato sa pagkapresidente sang Pilipinas sa national election sa 2022.
Ini ang ginpahayag ni Vice President Leni Robredo kag suno sa iya, dapat nga batunon sang oposisyon nga tuman ka popular si Presidente Rodrigo Duterte sa mga Filipinos apisar sa mga issues nga ginakaulamiran sini kag sang iya mga opisyal sang mga nagliligad nga tuig.
Ang grupo lang nga naga-isa ang mahimo makahangkat sa presidential bet sang administrasyon sa 2022.
Kun madamo sang mga kandidato ang magapadalagan sa eleksyon, panigurado nga dugang nga anom ka tuig sang kadalag-an na naman sang kaangay nga pagdumala lima ka tuig na ang nagligad ang mahatag sa mga Filipinos.
Sang ginpamangkot kun bala magapadalagan ini bilang presidente, suno sa iya, madamo pa siya sang ginalantaw nga mga konsiderasyon.
