ILOILO – Nasapwan sang tag-iya nga wala na sang kasudlan ang iya kanding sa Barangay Tiabas, San Dionisio, Iloilo.
Sa interview sang Bombo Radyo kay Punong Barangay Romeo Bañes Jr., iya ginpahayag nga may nabatian ang tag-iya nga taghol sang ido sang tungang gab-i, isa ka adlaw antes nasapwan nga wala na sang kabuhi ang kanding.
Diri na kag sang gintsekyar sang kaagahon, nasapwan nalang nga wala na sang kasudlan ang kanding.
Suno kay Bañes, indi ini ang una nga bes nga may napatay nga kanding sa lugar bangud ini ang natabo man sang Nobyembre sang tinalikdan nga tuig.
Hugot nga nagapati ang punong barangay nga posible nga isa ka singgarong ang nagapang-atake sa mga kanding.
