Ginpaanggid ni San Juan Ciy Rep. Ysabel Maria Zamora, Vice Chairman sang House Justice panel, kay anay Chief Justice Renato Corona ang kapalaran nga nagahulat kay Vice President Sara Duterte.
May kaangtanan ini sa pagbusisi sa Statements of Assets, Liabilities ang Net Worth (SALNs) kaangot sa impeachment complaints nga ginapangatubang sang bise president sa House committe on justice.
Suno kay Zamora, iga-review sang ila nga komitiba ang non-disclosure kag indi mapaathag nga manggad ni VP Sara.
Matandaan nga na-impeach si Corona kag na-convict sa Senado sang 2012 bangud sa kapaslawan nga mapagwa ang tanan nga assets kag bank accounts nga yara sa iya nga SALN.
Paathag ni Zamora, mahimo nga mangin ground sang impeachment sa idalom sang ‘betrayal of public trust’ ang bisan pagpanas lang sang indi mapaathag nga manggad.
Madumduman nga isyu sang SALN ang nalakip sa complaints batok kay Duterte.
