ILOILO CITY – Asymptomatic ukon wala sang ginapakita nga sintomas ang masobra 200 ka mga empleyado sang Iloilo City Hall nga nagpositibo sa COVID-19 matapos ginpaidalom sa mass testing.
Sa interview sang Bombo Radyo kay Jeck Conlu, COVID-19 spokesperson sang syudad, iya ginpahayag nga na-contact trace na ang mga naka-close contact sang positibo nga mga empleyado kag napatigayon naman ang COVID-19 testing sa sini nga nga close contacts.
Lain-lain ang ginhalinan nga opisina sang mga empleyado nga infected.
Nagapati ang COVID-19 team nga indi halin sa workplace ang infection.
Ginkumpirma man ni Conlu nga kapin 10 sa mga infected nga pasyente ang natublukan na sang COVID-19 vaccine antes sila na-infect sang virus kag kalabanan sa sining 10 ang fully vaccinated na.
Nahibaluan nga sa asud-asud nga mga inadlaw subong nga Hunyo, masobra 100 ka kaso sang coronavirus ang nagadugang sa Iloilo City kada adlaw.
