ILOILO CITY–Kapin sa 100 ka mga armas ang ginkumpiska sang otoridad kadungan sang All Saint’s Day.
Sa interview sang Bombo Radyo kay Police Superintendent Joem Malong, taghambal sang Police Regional Office (PRO) 6, iya ginpahayag nga naglab-ot sa 95 ka bladed weapons ang nakumpiska gikan sa mga nagabisita sa patyo samtang isa naman ang nakuhaan sang armas-luthang sa ginpatigayon nga checkpoint.
Santo sa datus sang PRO6, ang 23 ka mga bladed weaponns ang nagkuha sang Iloilo City Police Office (ICPO) samtang 72 naman ang nakuha sang Bacolod City Police Office (BCPO).
Ang isa naman ka armas-luthang ang nakuha sa isa ka driver sa San Carlos City, Negros Occidental.
Nagalab-ot naman sa 4,300 ka mga police personnel ang gindeploy sa bug-os nga rehiyon 6 subong nga tigkalalag.
Kadungan sini, ginhingyo man ni Malong ang publiko nga likawan nga magdala sang armas, makahulubog nga ilimnon, baraha kag iban pa nga ginadumili-an nga butang sa sulod sang patyo agud nga malikawan ang gamo.