Naglab-ot na sa kapin 125 ka tawo ang patay samtang masobra sa 100 ang pilason matapos gintay-og sang magnitude 7.1 nga linog ang Tibet, China.
Ang linog nabatyagan man sa Nepal kag India kahapon.
Suno sa United States Geological Society (USGS), nag-igo ang magnitude 7.1 nga linog kahapon sang aga kag ginsundan sang madamo nga aftershock.
Ang episentro sang linog ang yara sa Tingri county nga nahamtang sa mataas nga porsyon malapit sa Himalayas sa India.
Masobra sa 1,000 ka mga balay ang nagkalaguba.
Una na ginmando ni Chinese President Xi Jinping ang search and rescue operation para maluwas pa ang mga tawo nga posible natampukan sang mga nalumpag nga buildings.
