Kapin sa 13, 000 ka mga puluy-an sa Iloilo ang makabenepisyo sa tion nga matigayun ang P388 million nga Submarine Cable Inter-connection Project pinaagi sa Department of Energy (DOE) Total Electrification Program.
Sa interview sang Bombo Radyo kay House Speaker Ferdinand Martin Romualdez, iya ginpahayag nga ang proyekto ang ginalakipan sang Manlot-Calagna-an- Sicogon nga magakonektar sa Estancia, paagi man sa total electrification sang Iloilo Electric Cooperative (ILECO) III.
Suno kay Romualdez, mahimo matapos ang proyekto sa 170 calendar days.
Ginpahayag man sini nga ang proyekto ang isa ka dako nga rural electrification sa idalom sang Department of Energy (DOE) Total Electrification Program.
Nahibaluan nga subong adlaw, Marso 7, 2025 ginpatigayon ang groundbreaking sang Submarine Cable Inter-connection Project sa San Fernando, Sicogon Island, Carles, Iloilo.
Kaupod naman ni Speaker Romualdez sa nagtambong ang pila ka mga lokal nga opisyal sang syudad kag probinsiya sang Iloilo.
