Ginpang-guba na kag ginbasura ang kapin 17,000 ka doses sang AstraZeneca COVID-19 vaccines sa Malawi matapos nag-expire bangud nagpamalibad ang mga pumuluyo nga magpabakuna.
Tatlo na ka batch ang nag-abot nga bakuna sa Malawi — 300,000 doses halin sa Covax vaccine sharing facility, 50,000 halin sa India kag 102,000 halin sa African Union.
Suno kay Health Minister Kumbize Kandodo, duha ka semana kuntani ang shelf life sang bakuna nga halin sa African Union.
Sa sulod sining duha ka semana, wala ini naubos tublok sa target nga mga residente bangud sang ginapahayag propaganda batok sa Astrazeneca vaccines.
Una diri, nagpapanaug ang mandu ang Austria, Norway, kag Denmark nga indi na paggamiton ang AstraZeneca bangud sang malaka nga kaso sang severe blood clots sa mga tawo nga nabakunahan.
Halin sang nag-umpisa ang vaccination sa Malawi sang Marso, kapin 300,000 pa lang ang nabakunahan — malayo pa pa sa 11 million ka tawo ukon 60% sang populasyon nga amo ang target mabakunahan antes matapos ang tuig. — with reports from AFP
