ILOILO CITY – Liwat nga gin-possess sang ginapahayag malain nga espirito ang pila ka mga estudyante sang Banate National High School sa banwa sang Banate, Iloilo.
Gindala sa simbahan kag ospital ang 10 tubtob 20 ka mga estudyante matapos nga nalipong.
Nagawaras ang mga estudyante kag nagahambal nga ibalik ang ila puluy-an.
Ginapahayag nga ang nasambit nga mga estudyante amu man ang mga gin-possess sang malain nga espirito sadtong Huwebes sang nagligad nga semana.
Liwat naman nga ginkansela ang klase subong nga adlaw sa Banate National High School bangud sang pagka-possess sa mga estudyante.
Ginapahayag nga ang gintapas nga puno sang acacia sa buluthuan ang rason sang pagsulod sang malain nga espirito sa mga estudyante.