ILOILO CITY – Ginahibalo na sang mga otoridad sa banwa sang Pavia, Iloilo ang motibo sa pagpamatay sa kapin 20 ka mga hinuptanan nga ido sa isa ka subdivision sa nasambit nga banwa.
Ginpahayag ni Chief Insp. Ferdinand Limbunga, hepe sang Pavia Police Station, 17 ka mga hinuptanan nga ido ang napatay matapos ginhilu-an.
Posible suno kay Limbunga nga mismo ang homeowner’s association ang nag-hilo sa mga ido matapos nagreklamo ang pila ka mga pumuluyo nga ginalagas sila sang mga ido.
Ginkumpirma man sang developer sang subdivision nga Property Company of Friends Inc. ang pagkalamatay sang mga ido nga ila naman ginaimbestigahan.
Ginpasiguro sang developer nga wala nila ginakunsinti ang pagpanghalit sa mga kasapatan.