Ginpatay ang kapin 20 ka miyembro sang militar kag pulis sa Myanmar matapos nga ginpwersa sulod sang mga tawo nga nagapamatok sa kudeta ang isa ka police station sa southern Shan State.
Suno sa reports sang independent local media, ang atake sa police station ang ginpangunahan sang People’s Defense Forces nga ginsuportahan sang local militia.
Suno naman sa report sang Radio Free Asia, 10 ka soldado kag apat ka pulis ang ginbawian sang kabuhi, lakip na ang deputy chief sang Moebye police station.
May mga video sa Mobye kun sa diin makit-an ang nakauniporme nga security forces nga nagahamyangon samtang may mga pulis naman nga naka-blinfold kag may mga surgical mask samtang yara ang kamot sa ila likod.
May police vehicle man nga ginsunog.
Sa subong wala pa gihapon sang independent confirmation.
Santo sa report sang activists’ group nga Assistance Association for Political Prisoners, kapin 815 na ang napatay sa Myanmar kag 4,000 ang ginpreso umpisa sang ginpatuman ang kudeta halin sang Pebrero 1.
